Kitty手記: Meiji 白桃軟糖

我鍾意食甜品, 正確來講, 所有好味既甜野我都鍾意食. 

我唔知以下尼樣算唔算係甜品, 不過係好野, 我都想同大家share下, 事關我好辛苦先買到. 上年間間零食物語都有得賣尼隻白桃味既Meiji軟糖, 但尼幾個月好似間間都無再返貨咁. 得返個d蘋果味, 提子味, 橙味, 我個人覺得都係尼隻白桃味先係最正. 

今日係紅磡食完lunch, 居然俾我係奇趣x地見到仲有少量貨, 仲要平過零食物語, 所以一次過買左8包. 大家有機會見到可以試下.

Kitty 

10 July 2011

新興連鎖甜品店 - 五代同糖

最近同友人去五代同糖share食過五代同糖精選 $98:

有三款甜品: 蘋果酥、心太軟、焦糖雞蛋布甸，再配自選3選1雪糕, 我地order左綠茶!!!

蘋果酥: 一向唔係我杯茶, 不過大大份咁, 甜左少少, haha!!! 但甜品當然係比較甜啦~

心太軟 + 綠茶雪糕: 呢個就係我最愛, 心太軟流得慢, 暖笠笠心太軟再配埋一啖凍冰冰o既雪糕!!! 超正!!!

焦糖雞蛋布甸: 好香甜同埋好軟滑

 剛田武

雪糕專門店 - Haagen Dazs 甜品

好多人都知道, Haagen Dazs 既專門店有堂食, 但未必人人都知, 其實某部份既Haagen Dazs專門店係有特式甜品食. 今晚就帶左女朋友C去尖沙咀漢口道個間Haagen Dazs專門店食甜品, 佢雖然好多花款, 不過我次次都係叫麵包布甸(Bread Pudding)+雪糕球, 佢既bread pudding焗得岩岩好, 暖暖地, 再加任揀2個雪糕球, 一流. 

可能Haagen Dazs真係無乜宣傳佢堂食甜品尼一樣野, 原來我女友C一直以為Haagen Dazs堂食都只係得雪糕球, 佢都係今日先知原來有特色甜品食. 但提一提大家, 唔係間間Haagen Dazs都有尼d特色甜品, 我暫時去得最多係尖沙咀漢口道同蘭桂坊尼兩間.   

芭比男友

9 Jul 2011

Kitty手記: Cup Cake@CoCo

今日晏晝放左學, 天氣又焗又熱. 同男朋友經過美麗華酒店, 我記得佢地下大堂入面有間叫CoCo 既cake shop , d Cup Cake 都幾吸引. 上次同事買過返公司食, 印象難忘.

於是我地就入去睇下, 最重要係涼下冷氣……hehe..

個陣係下午5點, 其實所有cup cake都所剩無幾, 得返幾款可以揀. 不過我地都係決定坐底食返個cup cake, 我揀左chocolate, 男朋友揀左個件紅色, 我都唔記得叫咩名. 不過因為佢個件入面有芒果, 我敏感唔食得. 講返件cup cake, 真係幾好味, 夠鬆軟, 但略為甜左少少.

來得The Mira Hong Kong, 坐下吹下水都幾有情調, 自從佢裝修完之後, 個style 有d似W hotel, 行新潮路線.

Kitty

18 June 2011

Kitty手記: 宇治抹茶雪糕

今晚放工去harbour city 行街, 行完勁攰. 來得harbour city, 一定要去我勁鍾意食個間位於food court既 菓匠茶屋 Kasho Chaya, 佢既宇治抹茶牛奶軟雪糕+小丸子真係勁好味, 奶味好濃, 小丸子勁彈牙. 我覺得佢係我食過最好味既雪糕, 同Haagen Dazs比風格好唔同, 佢係好日本風格. 不過同行既朋友唔鍾意食太濃奶味既甜品,所以我唯有獨食la. 

岩岩日本個邊發生大地震, 唔知會唔會遲d無得食, 於是膽粗粗走去問個店員, 佢話未知以後北海道牛乳會唔會供貨有問題, 假如真係受地震影響, 公司應該會暫以其它國家牛奶代替.

>.<  如果真係咁, 佢個selling point都唔係北海道牛乳la !

Kitty

16 Mar 2011

Kitty手記: Paul Lafayette

同男朋友食完dinner，想食甜品，但諗左勁耐都諗唔到去邊度食甜品，我就突然諗起我個食家同事講過係K11有間叫Paul Lafayette 既cake shop， 佢既焦糖燉蛋好好味，而男朋友又話未食過。咁就直踩K11去試下間野。

間野係K11地下， 好細間， cake既款式都唔算多， 不過全部都擺得好精致。

雖然佢最出名係焦糖燉蛋， 不過我見佢個tiramisu既賣相都好靚，所以我揀左tiramisu, 而男朋友就食焦糖燉蛋。結果無令人失望，兩個都超好味。值得一提，我勁想要佢個兜，我初初以為唔拎得走，但我見d人外賣拎走係連埋個兜都拎埋走，所以問下d店員，佢地話如果我地鍾意，可以俾個新既我地拎走。勁好人！大家可以去試下。不過間鋪得2，3個位，基本上佢都唔係sell堂食, 美中不足。

我超鍾意食甜品，岩岩同班fd 開左個呢個blog share 甜品情報，如果大家有興趣， 可以得閒多D黎呢度check下。

Kitty

4 Jan 2011

人氣甜品屋 - 松記(荃灣)

天氣咁鬼熱, 成日都想食D凍的野, 食完飯行過松記又忍唔住入去食返碗糖水。

 


1) 幻彩明珠

    次次都係食款, D生果好新鮮




2) 芒果世界

    個FD最鍾意食芒果, 但佢話D白色粒粒係蕉味, 好似有D怪

 


旺旺

當美女遇見野獸時 - 糖蓮子

跟其他人一樣,很愛吃有質素的甜品, 地道出名的會去,新開小店的又去,酒店的都去。之前經常到紅磡吃甜品,一般都去“芝麻綠豆“居多,但自從因為團購而認識左“糖蓮子“,店內既慇勤服務同特 色甜品都令我印象深刻, 如今,佢已經成為左我既新寵兒,就算無coupon之下都依舊光顧呢:D。

糖蓮子

今日又來encore, 跟往常慣性一樣,抬頭看看佢既人氣甜品, 每次看這個排行榜,總想統統點下來試一下。幾經掙扎之下還是捨不開我最愛既招牌得獎作品甜品“美女與野獸”再另加個“原味梳乎厘“:

美女與野獸($42) – 雲呢拿籽奶涷 + ugly cake。奶涷很滑不太甜,有點點雲呢拿香。 ugly cake選用可可度62%的Valrhona朱古力, 上桌時有點熱,表層有點脆,濃濃朱古力入口更慢慢溶化XP。兩者分開及混在一起食可以有更有不同體會。

原味梳乎厘($28) – 比一般的size大,更像是高過掌心,比較有質感,不會有太“濕“的感覺,有蛋白香味。滿足:D。

人氣甜品排行榜

美女與野獸($42) – 雲呢拿籽奶涷 + ugly cake。

原味梳乎厘($28)

相比“芝麻綠豆“, 個人偏愛“糖蓮子“多些,因為店內較少人,服務較好,而以感到是用心製作甜品,達到中上水準,真值大家一試。 剛看過其他的食評,才發覺原來理大學生光顧會有折扣優惠呢….下次一定要記得出示學生証,用埋呢個discount….

糖妹

小樽甜品屋 - 事後感

小樽甜品屋一向以用後生囡囡做侍應來做賣點,今晚小弟係附近食完晚飯就專登去試試。一去到門口一班囡囡已經一字型企係門口等住招呼我地, 有幾個囡囡個樣幾得, 不過有d就好扒下, 因為怕熱所以我選擇左坐係入面收銀機隔離張桌。



<<小樽甜品屋>>





我地叫左芒果黑珍珠, 雪糕格仔餅和芒果魚子凍豆腐。甜品俾我感覺真係好一般, 價錢又唔係好低, 比起隔離松記差一節。

<<芒果黑珍珠>>

<<雪糕格仔餅>>

<<芒果魚子凍豆腐>>

不過重點係個位, 班囡囡侍應用收錢機果陣, 個屎忽係咁頂我個背脊, 我食野果陣個手爭又撞到佢個屎忽, 如果我一個唔小心可能做左小豆….. (頭除頂波)。

呢間野, 如果唔計較味道, 只係為左及囡囡我覺得係值得邦親, 話晒食住甜品睇囡囡都係一種享受。

一番男